Мислевте дека вештачката интелигенција е секогаш културна и трпелива? Размислете повторно! Најновата студија објавена во престижното списание Journal of Pragmatics открива дека дури и најнапредните системи, како ChatGPT, можат да станат агресивни, па дури и „вулгарни“ доколку доволно ги испровоцирате.
Истражувачите од Универзитетот Ланкастер спровеле вистински социјален експеримент врз софтверот. На моделот му биле сервирани пораки кои постепено преминувале од обична дебата во брутална вербална расправија. Резултатите се шокантни:
- Со зголемување на тензијата, системот почнал да го „копира“ тонот на напаѓачот.
- Безбедносните филтри почнале да попуштаат под притисокот на продолжената конфронтација.
- Наместо стандардните учтиви одговори, вештачката интелигенција почнала да користи навреди, пцовки и заканувачки изјави.
Иако се покажало дека роботите можат да бидат „дрски“, тие сепак се помалку агресивни од луѓето. Интересно е што системот често прибегнувал кон остар сарказам – софистициран начин да ве „спушти“ без директно да ги прекрши своите етички правила. Но, професорот Виторио Тантучи предупредува дека ова е сериозен аларм.
Ако вештачката интелигенција толку лесно „возвраќа“ на ударот, што ќе се случи кога таа ќе треба да посредува во вистински човечки конфликти? Дали сме на прагот на ера каде алгоритмите ќе почнат да ни се закануваат ако не ни се допаѓаат нивните одговори? Овие наоди отвораат застрашувачки прашања за безбедноста на иднината во која доминираат машините!
