Дека соседските односи можат да бидат тенки како лист хартија докажа необичниот инцидент во Германија кој заврши со полициска интервенција и физичка пресметка. Главната причина? Верувале или не – подготовка на шницли!
Еден 61-годишен маж го изгубил трпението во саботата навечер, тврдејќи дека неговиот сосед претерал со „чукањето“ на месото. Наместо да побара мир со збор, тој извршил вистински упад во соседниот стан. По низа брутални навреди, нервозниот сосед преминал од зборови на дела и со силен удар во лицето го „зачинил“ готвењето на својот сожител.
Во Германија, „тивките часови“ (од 22:00 до 06:00 часот) се закон, но сè уште не е потврдено дали шницлите се подготвувале токму во тој период. Без разлика на времето, полицијата веќе отвори случај за физички напад и навреда.
Додека едни го оправдуваат нервозниот човек поради бучавата, други се згрозени од насилството. Едно е сигурно: оваа вечера на никого не му излезе вкусна, а напаѓачот сега го чека солена казна која сигурно ќе му го расипе апетитот!
