Силен земјотрес ја погоди Јапонија, предизвикувајќи прекин на железничкиот сообраќај и сериозна загриженост за нови потреси и можни цунами бранови.
Неколку клучни брзи линии, меѓу кои Тохоку Шинкансен, Јамагата Шинкансен и Акита Шинкансен, се во прекин, додека дел од инфраструктурата сè уште се проверува. Околу 100 домаќинства останале без електрична енергија.
Властите предупредуваат дека постои ризик од нови силни потреси и дополнителни цунами бранови. Според Јапонска метеоролошка агенција, се можни бранови и до неколку метри, а првите веќе го достигнале брегот.
Граѓаните се повикани да избегнуваат крајбрежни области и да се евакуираат на повисоки места. Дел од населението веќе е преместено, додека предупредувањата за цунами остануваат на сила.
Ситуацијата и натаму е динамична, а надлежните служби продолжуваат со внимателно следење на состојбата.
