Заменик-министерот за економија и труд, Марјан Ристески, објави дека од 1 јануари 2026 година стапува на сила нов закон за работно ангажирање, кој носи значајни промени за пензионерите, студентите и лицата во социјален ризик.
Според Ристески, со овој закон овие категории ќе можат формално да се вклучат во работен однос без да ги загубат своите стекнати социјални и здравствени придобивки. Тоа значи дека пензионерите и студентите ќе можат да работат дополнително, а притоа да ги зачуваат правата од пензискиот фонд и здравственото осигурување.
Оваа мерка е дел од политиките насочени кон зголемување на вработливоста и економската вклученост на ранливите групи во општеството.
