Синоќа, во координирана акција на Бирото за јавна безбедност, во Скопје и Куманово беа приведени неколку лица, меѓу кои и Бујар Дардишта, поранешен директор на Управата за матични книги и кадар на ДУИ.
Акцијата се спроведува под раководство на Основното јавно обвинителство и е поврзана со сомневања за сторени кривични дела од финансиско-економска природа.
Министерот за внатрешни работи, Панче Тошковски, информира дека постапките се одвиваат во координација со ОЈО НКOК и дека во текот на денешниот ден ќе бидат објавени дополнителни информации од јавен интерес. „Преземаме дејствија во насока на лишување од слобода на лицето кое го споменавте“, рече Тошковски.
