Утрешниот ден ќе донесе променливо облачно време со сончеви интервали. Во некои котлини претпладне се очекува појава на магла. Ветерот ќе биде слаб и променлив, соопшти УХМР.
Минималните температури ќе се движат од -5 до -1 степен, додека максималните ќе достигнат од 6 до 13 степени.
Во Скопје, ќе биде променливо облачно и претежно тивко. Претпладне магла ќе се јави во одредени делови од котлината. Температурите ќе се движат од -4 до 6 степени.
До понеделник времето ќе остане стабилно и претежно мирно, со можност за магла и зголемена облачност на одредени места. Во вторник се очекуваат локални дождови.
