Европскиот бренд ЏАМБО (JUMBO) ја проширува својата мрежа во Македонија со отворањето на нов, модерен маркет во Гевгелија, во рамките на новоотворениот „Gevgelija Mall“. На 13 декември 2025 година, компанијата ја реализира својата долгорочна стратегија за развој и уште пошироко присуство на домашниот пазар, отворајќи нови можности за локалната економија и граѓаните.
Пристигнувањето на ЏАМБО во јужниот дел на земјата не само што ја збогатува трговската понуда, туку ја потврдува и позицијата на компанијата како сериозен странски инвеститор кој верува во потенцијалот на Македонија. Оваа инвестиција директно влијае на подобрување на локалниот стандард и отвора нови работни места, создавајќи стабилни кариери за жителите на Гевгелија.
Новата продавница се простира на 3.000 метри квадратни и нуди богат асортиман од над 20.000 артикли, вклучувајќи играчки, декорации, производи за домот и сезонски изненадувања. Маркетот е дизајниран според највисоки светски стандарди за да понуди врвно шопинг искуство и да стане омилена дестинација за целото семејство.
Како дополнителна предност за купувачите, во рамките на маркетот е интегриран и асортиманот на брендот ВЕРО, овозможувајќи ги сите потреби за домаќинство и семејство на едно место.
Петар Денковски, генерален директор на ЏАМБО маркетите во Македонија, истакна дека оваа инвестиција не само што ја проширува мрежата, туку директно придонесува кон развојот на заедницата и локалната економија. Тој најави дека експанзијата на компанијата ќе продолжи и следната година со отворањето на нов маркет во Струмица, заокружувајќи го присуството на брендот во овој регион.
Свеченото отворање е закажано на 13 декември во 12:00 часот, со целодневна програма за целото семејство, вклучувајќи игри, маскоти, цртање на лице и сапунени меури, за да се создаде вистински празничен амбиент во Гевгелија.
