Научниците направија голем чекор напред во борбата против едно од најагресивните малигни заболувања – акутната лимфобластна Т-клеточна леукемија. Новиот третман користи генетски модифицирани белите крвни клетки, кои се трансформираат во „жив лек“ способен да ги нападне и уништи ракот.
Првата пациентка, девојче со тешка форма на леукемија, денес е целосно без знаци на болеста и планира да стане научник во истражување на малигни заболувања. Во понатамошните клинички испитувања, уште осум деца и двајца возрасни биле третирани со оваа иновативна терапија, а резултатите се охрабрувачки: 64% од пациентите влегле во ремисија – најдобар исход досега за оваа група болни.
Т-клетките, кои нормално штитат од инфекции и тумори, кај оваа форма на леукемија стануваат неконтролирани и предизвикуваат рак. Кај овие пациенти класичните терапии, како хемотерапија и трансплантација на коскена срцевина, не успеале. Единствената алтернатива била палијативна грижа.
Овој медицински напредок носи нова надеж – по години без ефикасен лек, гено-терапијата нуди реална шанса за излекување на најтешките случаи на детска леукемија.
