По терористичкиот напад на плажата Бонди, муслиманската заедница во Сиднеј јасно стави до знаење дека нема да ги изврши исламските погребни ритуали за сторителите. Лидерите го осудуваат настанот како „варварски и криминален чин“.
Во разговор за news.com.au, д-р Џамал Рифи, еден од водечките гласови во исламската заедница, истакна:
- „Не ги гледаме нив како членови на исламот или како муслимани. Она што го направија е нешто што никој од нас не го одобрува – убивање невини цивили. Според нашата религија, убивањето невин човек е исто како убивање на целото човештво.“
Д-р Рифи потсети на окупацијата на кафулето „Линдт“ во 2014 година, во која загинаа три лица, вклучувајќи го и сторителот, и која беше класифицирана како терористички инцидент. Тогаш муслиманската заедница одби да го прифати телото на сторителот и да изврши погребни ритуали, а истото ќе го направат и сега со учесниците во нападот на Бонди.
Тој додаде дека муслиманската заедница е во зголемена готовност и нема да се собира во џамиите во наредните денови.
- „Имавме една почитувана постара жена која почина синоќа. Нејзиното тело ќе биде измиено денес, но поради околностите нема да го изведеме обичниот погреб во џамијата во следните три дена“, истакна д-р Рифи.
Оваа одлука ја покажува јасната поделба на заедницата меѓу невините жртви и сторителите на насилството, нагласувајќи дека делата на напаѓачите не се во согласност со исламските принципи.
