Најмалку седум лица го губат животот при пад на мал авион во централно Мексико, додека уште три се водат како исчезнати, соопштија мексиканските воздухопловни власти. Несреќата се случила во индустриска зона во градот Толука, во близина на локалниот аеродром.
Иако нема пријави за повредени на земјата, ударот на леталото предизвикал пожар. Авионот, Cessna Citation, полетал од туристичкиот град Акапулко на Тихоокеанскиот брег и се упатил кон Толука. Според извештаите, во авионот имало двајца членови на екипажот и осум патници, меѓу кои и три деца.
Во последната комуникација со контролата на летање, пилотот наводно рекол: „Се уриваме“. Снимки од безбедносните камери ги забележале последните моменти пред падот.
Сведоци изјавиле дека пилотот се обидел да слета вонредно на фудбалско игралиште, но авионот се удрил со голема брзина во земјата, погодувајќи работилница за поправка на камиони.
Причината за падот засега не е позната.
