Јавен обвинител од Основното јавно обвинителство за гонење организиран криминал и корупција обезбедил судски наредби за претрес во домот и службените простории на виш јавен обвинител од Вишото јавно обвинителство во Битола, објави 4news.mk.
Според официјалните информации, постојат основи на сомнение дека обвинителот сторил кривично дело „Примање награда за противзаконито влијание“, предвидено во член 359 став 3 во врска со став 2 од Кривичниот законик.
Претресите се спроведуваат врз основа на претходно обезбедени судски наредби.
Дејствијата на терен ги вршат припадници на Министерството за внатрешни работи во координација со надлежното обвинителство.
Од Обвинителството засега не соопштуваат дополнителни детали за случајот, ниту за доказите што се предмет на претресите.
Повеќе информации за постапката се очекуваат во текот на утрешниот ден, по завршувањето на предвидените истражни дејствија.
